news.terai@gmail.com

९८५१२३२८१४

Birgunj-8, Parsa, Nepal

Pin It

२० कात्तिक, सप्तरी । सप्तरीको क्षेत्र नम्बर ३ मा एकै परिवारका दाजुभाइ प्रतिनिधिसभा सदस्यका लागि चुनावी मैदानमा उत्रिएका छन् । दाजु मधेसी गठबन्धनबाट चुनाव लडेका छन् भने भाइ बाम गठबन्धनबाट 

डाक्नेश्वरी नगरपालिका ५ पातो बस्ने चन्द्रकान्त चौधरी र भाइ ताराकान्त चौधरी एउटै क्षेत्रमा चुनाव लडेका हुन् ।

एमालेका सकृय कार्यकर्ता ताराकान्त वाम गठबन्धनबाट चुनाव लडेका छन् । उनले दोस्रो संविधानसभा निर्वाचनमा सप्तरीमा एमालेको साख बचाएका थिए । तत्कालिन क्षेत्र नम्बर ४ बाट निर्वाचित भएका थिए ।

उनलाई एमालेले यस पटक पुनः प्रतिनिधिसभाको उम्मेदवार बनाएको छ । उनले आफू पुनः निर्वाचित हुने विश्वास व्यक्त गरे ।

दाइ चन्द्रकान्त भने मधेसी गठबन्धनबाट उम्मेदवार बनेका छन् । उनलाई राष्ट्रिय जनता पार्टी -राजपा) ले टिकट दिएको छ । फोरम नेपाल र राजपा गठबन्धनबाट उम्मेदबार बनेका चन्द्रकान्त भने कांग्रेस पृष्ठभूमिका हुन् । शुरुवाती समयमा कांग्रेसमा सकृय उनले स्थानीय चुनावमा डाक्नेश्वरी नगरपालिकाको मेयर पदमा स्वतन्त्रबाट उम्मेदवारी दिएका थिए । तर, पराजित रहे ।

चौधरी दाजुभाइ लडेको यो क्षेत्रमा कांग्रेसबाट जिल्ला सभापति दिनेश यादव नै उम्मेदबार बनेका छन् ।
स्थानीय तहको निर्वाचनलाई हेर्ने हो भने यस क्षेत्रभित्र रहेका पाँच स्थानीय तहमध्ये तीन वटा कांग्रेसले र दुई वटा राजपाले जितेको छ । क्षेत्रफलको हिसाबले सबैभन्दा ठूलो स्थानीय तह डाक्नेश्वरी नगरपालिका राजपाले जितेको छ । यस्तै रुपनी गाउँपालिका पनि राजपाले नै जितेको छ ।

शम्भुनाथ नगरपालिका, बिष्णुपुर गाउँपालिका र बेल्ही चपेना गाउँपालिकामा भने काँग्रेसले जीत निकालेको छ । यो हिसावले हेर्ने हो भने यो क्षेत्रमा कांग्रेस र राजपाबीच कडा टक्कर हुने सम्भावना रहेको छ ।

यो पहिलो होइन चुनावी भिडन्त

सप्तरीमा दाजुभाइ मिलेर चुनाव लडेको यो पहिलो भने होइन । दोस्रो संविधानसभाको निर्वाचनमा तत्कालीन क्षेत्र नम्बर ६ बाट एकै परिवारका दाजुभाइले चुनाव लडिसकेका छन् । यद्यपि दुबै पराजित भए ।

यस्तै पूर्वमन्त्री मृगेन्द्रकुमार सिंह यादव र उनका भाइ अनिरुद्वले दोस्रो संविधानसभामा उम्मेदवारी दिएका थिए तर, दुबै पराजित बने । फोरम लोकतान्त्रिकबाट भाइ अनिरुद्व र दाजु मृगेन्द्रले फोरम नेपालबाट दिएको उम्मेदवारीका बीच कांग्रेसका सुरेन्द्र यादव विजयी भएका थिए । यस पटक पनि दाजुभाइले उम्मेदवारी दिएका थिए । तर भाइ अनिरुद्वले फिर्ता लिएका छन् ।

Pin It

Contact Information

प्रकाश र सम्पादक :
सुरेश कुमार बादल - ( ९८५१२३२८१४ )


सह - सम्पादक : 
चन्द्र शेखर चौधरी - ( बारा कलैया ९८५५०४५४८३)
राम नरेश प्र. चौरसिया - ( पर्सा बिरगंज ९८१२२९३७४४)
प्रेम कुमार राय  ( जीतपुर सिमरा बिज्ञापन प्रमुख - ९८१४२७५५६६ )


कानुनि सलाहकार :
अमय कुमार दाश (अधिबक्ता ) 

 

Email:- news.terai@gmail.com
Office :- Birganj - 8, Parsa (Nepal)

Visitors Counter

013662
Today
Yesterday
This Week
This Month
Last Month
All days
179
287
466
3349
5313
13662

Your IP: 107.20.115.174
2017-12-11 18:54

Facebook Live Feed