असार 11- सामान्यतया सरकारहरुको बजेट हरेक आवमा बढ्ने गर्छ । तर, यसपटक वीरगन्ज महानगरपालिकाको हकमा भने त्यो लागु भएन् । वीरगन्जले चालु आवको तुलनामा आगामी आवको बजेट १६ प्रतिशतले घटाएर ल्याएको छ ।
चालु आवको बजेट कार्यान्वयन गर्ने अवधिभित्र ५० प्रतिशत पनि खर्च हुन नसकेपछि वीरगन्जले धेरै कार्यक्रम समेटेर बजेट बढाउने झन्झन नगरेको देखिन्छ ।
६ महानगरमध्ये सबैभन्दा ठूलो बजेट काठमाडौं महानगरपालिकाले ल्याएको छ । आगामी आवमा काठमाडौंले १५ अर्ब ५० करोड रुपैयाँको बजेट कार्यान्वयन गर्ने भएको छ । दोस्रो स्थानमा रहेको पोखराले ७ अर्ब ५४ लाख रुपैयाँको बजेट ल्याएको छ ।
विराटनगर महानगरपालिकाले ५ अर्ब १२ करोड ३० लाख, ललितपुर महानगरपालिकाले ५ अर्ब १७ करोड ९६ लाख, वीरगन्ज महानगरपालिकाले ४ अर्ब ४८ करोड १३ लाख र भरतपुर महानरपालिकाले ३ अर्ब ३७ करोड ३१ लाख रुपैयाँको बजेट सार्वजनिक गरेका छन् ।
