वीरगंज,भाद्र २९- अखिल नेपाल पिछडा वर्ग ओविसी पर्साले आज स्व. राजा बिरेन्द्र साहको शालिक भएको पार्कमा सरसफाई गरेको छ ।
ओविसी पर्सा अध्यक्ष अकलेश साहको नेतृत्वमा वीरगंज १७ प्रतिमा चौकमा रहेको स्व. बिरेन्द्रको शालिक संगै पार्कमा वृहत सरसफाई गरेको हो । पार्कमा झारपात उबजेर कुरुप देखिएको र नगरपालिका लगायत सम्बन्धि निकायले समेत वास्ता नगरेपछि ओविसी आवद्ध युवाहरुले सरसफाई गरेका हुन । सफाई पछि पार्क आर्कषक देखिएको अध्यक्ष साहले जानकारी दिनुभयो ।
देशमा रहेका एतिहासिक धरोहरको संरक्षण गर्न हामी सवैको कर्तव्य भएकोले बिरेन्द्रको शालिकमा सफाई गरिएको बताउनुभयो । उहाँले आउने दिनहरुमा पार्कमा फुलका विरुवाहरु रोपेर आर्कषक बनाउने जानकारी दिनुभयो । सो अवसरमा ओविसीका राजन साह,संदिप महतो,आकाश गुप्ता ामकुमार पटेल,राकेश पटेल,लालबाबु साह लगायतको सहभागिता रहेको प्रवक्ता राजकुमार साहले जानकारी दिनभयो ।
नगरपालिकाको लापरवाहीले आदर्सनगर स्थित चिल्ड्रेन पार्कपनि जिर्ण अवस्थामा पुगेको छ।
