वीरगञ्ज, १५ साउन । नेपाल चिकित्सक संघ नारायणी शाखाको अध्यक्षमा डाक्टर मनोज गुप्ता निर्वाचित भएका छन् ।
शनिबार वीरगञ्जमा सम्पन्न निर्वाचनमा निकटम प्रतिद्वन्दी डा. सुमन प्रसादलाई १ सय २६ मतको फराकिलो अन्तरले पराजित गर्दै गुप्ता अध्यक्षमा निर्वाचित भएका हुन् । गुप्ताले २ सय ५ मत ल्याउँदा डा. सुमन प्रसादले मात्रै ७९ मत प्राप्त गरेका छन् ।
नेपाल चिकित्सक संघ नारायणी शाखाको उपाध्यक्षमा डाक्टर आनन्द चौरसीया निर्विरोध निर्वाचित भएका छन् । यस्तै सचिवमा डाक्टर नौसाद हक १ सय ५२ मतका साथ निर्वाचित भएका छन् । उनका प्रतिस्पर्धी डाक्टर महेश्वर प्रसादले भने १ सय ३० मत मात्रै प्राप्त गरे । कोषाध्यक्षमा डाक्टर शाश्वत प्रसाद पनि निर्विरोध निर्वाचित भएका छन् ।
यसैगरि सदस्यहरुमा डाक्टर आकाश राय, डाक्टर विवेक कुमार यादव, डाक्टर स्मिता सिंह, डाक्टर नविन प्रसाद यादव, डाक्टर रामाशंकर गुप्ता र डाक्टर अजय कुमार यादव निर्वाचित भएको नेपाल चिकित्सक संघ नारायणी शाखाका निर्वतमान सचिव डाक्टर उदयनारायण सिंहले जानकारी दिए । १० पदका लागि भएको निर्वाचनमा कुल २८५ मत खसेको थियो ।
