बीरगंज, 12 फागुन
पर्सा जिल्लामा नक्कली शिक्षक नियुक्ति प्रक्रियाको सम्बन्धमा अख्तियार दुरुपयोग अनुसन्धान आयोगको टोलीले छानबिन शुरु गरेको छ ।
स्रोतका अनुसार अख्तियारका कर्मचारीहरुले हिजोदेखि सबै स्थानीय तहमा छानबिन शुरु गरेको बुझिएको छ । स्थानीय तह गठनपछि जिल्ला शिक्ष्ाँ कार्यालयका विनी तथा सम्बन्धित विद्यालयका प्रअहरुले नक्कली कागजात तयार पारी पर्सामा लगभग ३५ जना शिक्षकको नियुक्ति गरेको बुझिएको छ ।
जसमध्ये महानगरपालिका अन्र्तगत आधारभुत बिद्यालय लालपर्साका अवधेश यादब र शितम्बर ठाकुर पक्राउ परेर तारिखमा रहेका छन् । जिल्ला शिक्षा कार्यालयका विद्यालय निरीक्षक तथा स्रोत व्यक्तिले सेवाग्राहीसँग रु ५ लाखसम्म घूस लिई ३५ जना शिक्षकलाई नियुक्ति गरेको विषय पर्सामा लामो समयदेखि चर्चाको विषय बनेको थियो ।
अख्तियारको टोलीले अनुसन्धान शुरु गरेपछि नक्कली शिक्षक नियुक्ति गर्ने गिरोह बेपत्ता छन् । प्राप्त जानकारी अनुसार पर्साको जगरनाथपुर, सखुवाप्रसौनि, पटेर्वा सुगौलि, जिराभवानि र ठोरी गाउपालिकामा शिक्षकहरु नक्कली रहेको बुझीएको छ । टोलिले सरुवा पत्र, नियुक्ती पत्र र आवश्यक कागजात लिने गरेको छ ।
