काठमाडौं चैत्र १० : आजदेखि सुरु भएको एसईईमा अभिनेत्री करिश्मा मानन्धर पनि सहभागी छिन् । करिश्माले काठमाडौंको डिल्लीबजारस्थित विजय स्मारक मा. वि. परीक्षा केन्द्रबाट एसईइ परीक्षा दिँदैछिन् ।
अभिनेत्री करिश्मा मैतीदेवीस्थित त्रिवेणी माविकी विद्यार्थी हुन् । उनी विद्यालय पोशाकमा आइतबार बिहान परीक्षा केन्द्र विजय स्कमारक स्कुल पुग्दा उनको तस्बिर लिन र उनीसँग कुरा गर्न सञ्चारकर्मीहरूको भीड लागेको थियो। उनलाई हेरेर अनौठो मान्नेहरु पनि त्यत्तिकै थिए ।
आफैं सवारी कार चलाएर एक सहयोगीकासाथ करिश्मा परीक्षा दिन आएकी थिइन् ।
मानन्धरलाई भट्टराईको शुभकामना :
एसईई परीक्षामा सहभागी हुँदै गरेकी करिश्मालाई नयाँ शक्ति नेपालका संयोजक बाबुराम भट्टराईले फोन गरेर शुभकामना दिएका छन् ।
भट्टराईले सफल मान्छे बन्नको लागि उमेरले नछेक्ने भन्दै एसईई परीक्षाको पूर्व सन्ध्यामा परीक्षा सफल होस् भन्दै शुभकामना दिएका थिए ।
