काठमाडौं १२ चैत: सरकारले पार्टीलाई प्रतिवन्ध लगाएपछि चन्द नेतृत्वको नेकपाले सरकार विरुद्ध आन्दोलन घोषणा गरेको छ । आगामी चैतभित्र प्रतिबन्ध हटाउन माग गर्दै नेकपाले आन्दोलनका कार्यक्रम सार्वजनिक गरेको हो । प्रतिबन्ध नहटाए सरकारका कार्यक्रममाथि पनि रोक लगाउने चेतावनी उसले दिएको छ ।
नेकपाका महासचिव नेत्रविक्रम चन्दले जारी गरेको वक्तव्यमा पक्राउ परेका नेता कार्यकर्ताको रिहाइको पनि माग गरिएको छ । नेकपाले प्रतिबन्ध र कार्यकर्ता पक्राउको विरुद्ध जुलस, कोणसभा र बन्द लगायतका आन्दोलनका कार्यक्रम घोषणा गरेको हो । सरकारले फागुन २८ मा चन्द समूहमाथि प्रतिबन्ध लगाएको थियो । त्यसयता सो पार्टीका थुप्रै नेता कार्यकर्ता पक्राउ परेका छन् ।
avnews
