चैत१९ - हावाहुरीका कारण घाइते भएकाहरुको विभिन्न अस्पतालमा उपचार भैरहेको छ । घाइते तथा घाइतेका परिवारका सदस्यलाई निःशुल्क खाना व्यवस्थापन गरिएको छ । नारायणी अस्पतालमा उपचाररत घाइतेहरुको लागि स्थानीय सद्भाव समिति, सानो पाइला, र वीरगञ्ज युवा समाज, लायन्स क्लबलगायत अरु विभिन्न संस्था र व्यक्तिगत सहयोगमा निःशुल्क खानको व्यवस्था गरिएको हो ।
राष्ट्रिय प्रजातन्त्र पार्टीका अध्यक्ष कमल थापा बारा र पर्साका हावाहुरी पीडितका लागि राहत बोकेर हेटौंडाबाट सोमबार कलैया पुग्नु भएको छ ।
थापाले राहतमा चाउचाउ, चिउरा, चामल, बिस्कुट, नुन, आँटा र केही थान त्रिपाल बोकेर बारा पुग्नु भएको हो । अध्यक्ष थापाले राहत सामाग्री बाराका प्रमुख जिल्ला अधिकारी राजेश पौडेललाई हस्तान्तरण गर्नुभयो ।
