बारा १७ जेठ । आज शुक्रबार बिहान ३ बजे पूर्वपश्चिम सडकखण्ड अन्तरगत पथलैया निजगढ सडकमा यात्रुबाहक बस लुटिएको छ ।
पथलैया निजगढको सडकको गढीमाई जाने बाटो छेउमा मोटरसाइकलमा आएका अज्ञात व्यक्तिहरुले ना ७ ख २७९० को जलेश्वर काठमाडौँ जाने बसका यात्रुलाई लुट्पाट गरेको ईलाका प्रहरी कार्यलयका प्रमुख बिक्रम लामाले जानकारी दिएका छन् ।बसका कन्टेक्टर संगमात्र लुटेराले ४५ हजार नगद र सामसुम मोबाईल एक सेट लुटेको लामाले जानकारी दिए ।लुटपाटमा संलग्न एकजनालाई प्रहरीले पक्राउ गरेको छ । पक्राउ पर्नेमा सिन्धुलीको मरिङ गाउँपालिका घर भई हाल निजगढ नगरपालिका वडा नम्बर ८ बस्दै आएका २६ वर्षीय संघर्ष थिंग रहेका छन् । लुटपाटमा संलग्न अन्य फरार रहेको र उनीहरुको खोजी भइरहेको प्रहरी निरीक्षक लामाले बताए । लुटेराहरुले बसको यात्रुहरुलाई भने केही नगरेको प्रहरीले जनाएको छ ।
yatradaily
