बिरगंज जेष्ठ १२ - पर्सा जिल्लामा रहेका पुर्नस्थापना केन्द्रहरुको सक्रियतामा निशुल्क भोजन शिविर आज दोस्रो दिन पनि सञ्चालन गरिएको छ ।
वीरगञ्जस्थित बसपार्कमा अलपत्र परेकाहरुका यात्रु गरिब मजदुर तथा चालकहरुका लागि भोजन शिविर सुरु गरेको पुर्नस्थापना केन्द्र आस्था नेपालका प्रमुख गौरव वर्माले जनाएका छन् ।
लकडाउनका कारण घर जान नपाएका करिब ८० जनाका लागि लकडाउन अवधी सम्म भोजनको व्यवस्थापन गरिने वर्माले बताए ।
यस क्षेत्रका राइजिङ नेपाल, निता फाउन्डेसन,बिस्वास,मुक्ति ब्लक बि र माया नेपाल लगायतका पुनर्स्थापना केन्द्रहरूकाे सक्रिय सहभागीता र सहयोगमा निशुल्क भाेजन शिविर सञ्चालन भएकाे हाे ।
यस अभियानमा रिकभरिंग नेपाल प्रदेश २ तथा स्थानीय युवाहरु अनिल सिंह, अजय श्रेष्ठ, राजेश साक्य, हरि जिले पनि सक्रिय भूमिका निर्वाह गरेका छन् ।
लकडाउनले प्रभावित गरिब तथा विपन्नहरुलाई खाना खुवाउनो यस अभियानमा यी संस्थाहरुका मन्टु गिरी, आयुष भुजेल, विनय तामाङ्ग, श्याम लामा, संतोष थापा लगायतका युवाहरु जुटेको आस्था नेपालका अध्यक्ष गौरव वर्माले बताए ।
