जेष्ठ १८ : वीरगन्जमा संचालित आस्था नेपाल पुर्नस्थापना केन्द्रले सडकका कुकुरलाई संरक्षण गर्न खाना खुवाउने अभियान सुरु गरेको छ ।
लकडाउनका कारण बजार बन्द हुदा शहरका सडकमा भोकै रहदै आएका कुकुरलाई आस्था नेपालले खाना खुवाउन थालेको हो ।
संस्थाका अध्यक्ष गौरव बर्माले बजार, होटल बन्द हुदा सडकमा बस्ने कुकुर भोकै रहनुपर्ने अवस्थामा पुगेकाले त्यस्ता कुकुरलाई खाना खुवाउने अभियान सुरु गरिएको बताए । बर्माले यो अभियानलाई लकडाउन अवधीसम्म निरन्तरता दिने जानकारी दिए ।
लकडाउनका कारण शहरका विभिन्न क्षेत्रमा खुल्ला रुपमा घुम्ने चौपाया, जनावरहरु भोकै बस्नुपर्ने अवस्था छ । सडकका चौपायाले आहारको अभावमै ज्यान गुमाउनुपर्ने अवस्था आएपछि देशका विभिन्न शहरमा यस्तो अभियान संचालन हुदै आएको छ ।
