काठमाडौं । अषाढ २८ -बलिउडका सबैभन्दा चर्चित सुपरस्टार अमिताभ बच्चनलाई कोरोना भाइरस भएको छ । त्यसैगरी उनका छोरा एवं अभिनेता अभिषेक बच्चनलाई पनि कोरोना भाइरस भएको छ ।
अमिताभले शनिबार साँझ ट्वीट गर्दै आफ्नो बारेमा जानकारी गराएका हुन् । यसअघि उनीहरुलाई मुम्बईको नानावटी अस्पतालमा भर्ना गरिएको थियो ।
अमिताभको परिवारमा सबैलाई कोरोना भएको आशंका गरिएको छ । उनीहरुसंगै घरका सबै स्टाफको परीक्षण गरिएको छ । जसको रिपोर्ट आइतबार आउनेछ ।
अमिताभ पत्नी जया, बुहारी ऐश्वर्या राय र नातिनी आराध्याको रिपोर्ट आइतबार आउने छ ।
अभिषेक बच्चनबाट कोरोना परिवारमा पुगेको दावी गरिएको छ । हालै अभिषेकको पहिलो वेब सिरिज ‘ब्रिद’ लन्च भएको थियो ।
