बारा ३० बैशाख । भारतमा चलिरहेको आईपिल क्रिकेट म्याचमा सटृाबाजी गरेको आरोपमा तीन जना माथी अनुसन्धान गर्नका लागि प्रहरीले जिल्ला प्रशासन कार्यालय बाराबाट म्याद थप गराएको छ।
कलैया उपमहानगरपालिका ५ का हरेराम साह, कलैया उपमहानगरपालिका ६ निवासी दरोगा अंसारी र राकेश साह माथि अनुसन्धान गर्नकालागि म्याद थप गराएको हो । जिल्ला प्रहरी कार्यालय बाराबाट खटिएको टोलीले बैशाख २७ गते शुक्रबार राती उनीहरुलाई पक्राउ गरेको जिल्ला प्रहरी कार्यालय बाराले प्रेस विज्ञप्ति मार्पmत जानकारी दिएको हो । हरेराम साहको घरमा सटृाबाजी भईरहेको सूचनाको आधारमा उनीहरुलाई पक्राउ गरेको प्रहरीले जनाएको छ । उनीहरुको साथबाट प्रहरीले म्याचमा बाजी लगाएको रु ९४ हजार रुपैया समेत बरामद गरेको छ ।उनीहरु उपर मुलुकी फौजदारी अपराध (संहिता) २०७४ को परिच्छेद ५ को दफा १२५ को उप दफा ४ बमोजिम सटृाबाजी (जुवा) मुद्दामा अनुसन्धान गर्नका लागि म्याद थप गराएको विज्ञप्तिमा उल्लेख छ ।
