काठमाडौँ असार १३— महानगरीय प्रहरी परिसर काठमाडौंले बिहीबार राति १० बजे महाराजगन्जबाट उपत्यकामा ‘सूई आतंक’ मच्चाउने व्यक्तिलाई पक्राउ गरेको छ ।युवतीहरुलाई जथाभावी सूई घोच्दै हिँड्नेरामेछाम घर भइ हाल महाराजगन्जमा रेस्टुरेन्ट चलाउने सन्तोष कार्कीलाई प्रहरीले पक्राउ गरेको हो।
हाल नैकापमा बस्दै आएका कार्की बा ४७ प १३३१ नम्बरकाे मोटरसाइकलसहित पक्राउ परेका हुन।
कार्कीलाई शुक्रबार बिहान प्रहरीले सार्वजनिक गरेकाे छ।उनले बयानमा ढलानकाे काँटी प्रयाेग गरेरघाेच्ने गरेकाे बताएका छन्।उनले महाराजगन्जकाे रेष्टुरेन्ट बन्द गरेर ९/१० बजेतिर ढल्कुकाे बाटाे हुँदै नैकाप घर जानेबेला घाेच्ने गरेकाे बयान दिएका छन्।