परमशिला बनिया
बैशाख ६ - मर्चवार ,रुपन्देही (५ न. प्रदेश )
अनलाइन भिडियो भोजपुरी दर्शन कवि सम्मेलन व मुशायरा-८
क सफल आयोजन 18अप्रैल 2020 शनिवार सान्झ 5:00-6:30 बजे बडे उत्साह के साथ सम्पन्न भइल बा।
वह मे प्रमुख अतिथि दिल्ली से सर्व भाषा ट्रस्ट के समन्वयक प्रो. केशव मोहन पान्डेय आ अध्यक्षता भोजपुरी प्रज्ञा प्रतिष्ठान अध्यक्ष आनन्द गुप्ता कैली
बिशिस्ट अतिथि भारत झारखन्ड जम्शेदपुर से भोजपुरी अङ्ग्ना के सम्पादक प्रो. डा- सन्ध्या सिन्हा ,बारा कलाइया से गजलकार रामप्रसाद साह आ जङगबहादुर यादव , परासी पश्चिम से अनिल कुर्मी, बिश्वनाथ सिंह आ मर्चवार से शिवनन्दन जयसवाल अपन कविता शायरी गजल सुनाके भावविभोरित कइली।
सम्मेलन के आयोजन व सन्चलान जयसवाल कइले रहली।
सम्मेलन सफल रहल बात सभे बतवली। नेपाल सरकार से लगावल गइल लकडाउन क पुरा पालन करत कवि लोग साहित्यक कार्यक्रम क निरंतरता दे रहल बाटे ।
नवा साल २०७७ क शुभकामना भि लोग आदानप्रदान कइलें ।
इही बीच नेपाल भारत में संयुक्त रुप से भोजपुरी साहित्यक गतिविधि बहुत तेजी से ऐक्यबद्धता के साथ आगे बढ रहल बात प्रमुख अतिथि कवि केशव मोहन पान्डेय बतवलीं।
लकडाउन के समय अनलाइन विडियो से भोजपुरी मुशायरा से बेहत खुशी बोध करत बारा के गजलकार राम प्रसाद साह बिरहा गावत बतइलीं कि भोजपुरी मे° अबहिनो सरकारी कामकारबाही न होत बा ।
प्रज्ञा अध्यक्ष आनन्द गुप्ता मुक्तक से सहभागीन के ताली बटोरत कहलीं कि भोजपुरी के जनसंख्या नेपाल में तनिका कम देखावल बा यहनाते अबकी जनगणना में हुशियारी से मातृभाषा भोजपुरी लिखवावे के परी।
डा. सिन्हा गजल से प्रेम बिखेरत बातवलीं कि सम्मेलन क अन्तर्राष्ट्रिय मन्च भोजपुरी खातिर महत्त्वपूर्ण उपलब्धि ह ।कवि राम प्रसाद साह मातृभाषा के मोह लोगन के रग रग मे संचार करवली।
अनलाइन भिडियो भोजपुरी दर्शन कवि सम्मेलन व मुशायरा-८ मे सहभागीन के प्रति कृपा आभार व्यक्त करत संचालक शिवनन्दन जयसवाल अपन अमूल्य सुझाव देके सम्मेलन के आउर भव्य बनावे के कहली ।
सम्मेलन मर्चवारी ७, रुपन्देही , ५ नं. प्रदेश, नेपाल से संचालित हो रहल ब । भोजपुरी दर्शन त्रैमासिक पत्रीका के सम्पादक जयसवाल नेपाल भोजपुरी साहित्य के उत्थान के लेके कृयाशील बाटी ।
प्राविधिक कठिनाइ के नाते अब आगे सम्मेलन हप्ता मे तीन दिन मङलवार, बिफे आ शनिच्चर के साम ५ से ६ बजे सन्चालन कैलजाइ , सूचना सम्मेलन संचालक जयसवाल सभे साहित्यकारन मे अनुरोध कैली बाटी।
