वीरगञ्ज, जेठ १७ – पर्साकाे सखुवाप्रसौनी गाउँपालिकामा थप दुइजना कोरोना संक्रमणको पुष्टि भएको छ ।
नारायणी अस्पतालको पिसिआर परीक्षण गर्दा दुई व्यक्तिमा कोरोना संक्रमणको पुष्टि भएको हो । सखुवाप्रसौनी गाउपालिकाको दीपनारायण माविको क्वारेन्टाइनमा बसेकी एकजना ६० वर्षिय वृद्धा र १८ वर्षिय युवकमा पोजेटिभ देखिएको सखुवाप्रसौनी गाँउपाकिालकाका अध्यक्ष प्रदीप जैसवालले जानकारी दिए।
संक्रमित दुवै जनाको केहि दिन अघि मात्र भारतबाट आई गाँउपालिकाको क्वारेन्टाईनमा बसेका थिए ।
संक्रमितको दुवैजनालाई वीरगञ्ज स्थित नारायणीका अस्थायी कोभि ड अस्पताल गण्डकमा लगिने तयारी भइरहेको छ ।
उनीहरूको सम्पर्कमा आएकोहरुको खोजि कार्य भईरहेको अध्यक्ष जैसवालले जानकारी दिए । यसअघि बिहिवार पर्सा जिल्लाको पोखरियामा चारजना र जीराभवानी गाउँपालिकामा एकजना संक्रमित फेला परेका थिए ।
