वीरगञ्ज २२ भदौं । निषेधाज्ञाको समयमापनि गैरकानुनी तरिकाबाट लुकिछिपी भारतबाट अबैद तरिकाले मान्छे ओसारपोसार गरिरहेको अवस्थामा प्रहरीले दुई व्यक्तिलाई पक्राउ गरेको छ ।
सशस्त्र पहरी बल विओपी अमरपट्टीबाट खटेको प्रहरीको टोलिले भारतबाट अबैद ढंगले निषेधाज्ञाको समयमा मान्छे नेपाल भित्र्याउन खोजिरहेको अवास्थमा दुईवटा मोटरसाइकलसहित दुई व्यक्तिलाई पक्राउ गरेको हो ।
पक्राउ पर्नेमा बिन्दबासिनी गाउँपालिका वडा नम्बर ४ निवासी प्रमोद चौरसिया र रामनारायण दास रहेका छन् । सोमबार दिउँसो भारतबाट लुकिछिपी दुई भारतीय नागरिकलाई भित्र्याउँने क्रममा उनीहरुलाई भारतीय नम्बर भएको हिरो होन्डा बिआर ०५ एडी ५५९९ र हिरो होन्डा बिआर ५ एम ८४२६ नम्बर को मोटरसाइकलसहित पक्राउ गरिएको छ ।
अमरपट्टीबाटका प्रहरी निरीक्षक निरञ्जन कार्कीले बताए ।
उनले पक्राउ परेका दुवै व्यक्तिलाई मोटरसाइकलसहित प्रहरी चौकी अमरपट्टीको जिम्मा लगाएको जानकारी दिए ।
