वीरगञ्ज, २३ जेठ । राष्ट्रिय दलित पत्रकार संघ नेपाल पर्सा शाखा अध्यक्ष श्याम पासवानमाथी सशस्त्र प्रहरीले गरेको अभद्र व्यवहारप्रति राष्ट्रिय दलित पत्रकार संघ पर्साले आपत्ति जनाएको छ ।
निषेधाज्ञाको समयमा भिखमपुर सीमानामा खुलेयाम आवतजावत तथा सामाग्री ओसारपसार गरीरहेको समाचार सम्प्रेषणका लागि गएका पासवानमाथी पर्साको धोबिनी गाउँपालिका वडा नम्बर २ स्थित सशस्त्र प्रहरी बल नेपाल बोर्डर आउट पोष्ट भिखमपुरका सशस्त्र प्रहरीले दुव्र्यवहार गर्नुका साथै रेकर्ड गरिएको भिडियो र फोटो समेत डिलेट गरको भन्दै संघका सबिच सूर्यनारायण वि.क. द्वारा हस्ताक्षरित विज्ञप्तीमार्फत आपत्ति जनाइएको छ ।
राज्यको चौथो अंग पत्रकारीता जगतमै प्रश्न उठ्नेगरी पत्रकारमाथीको दुव्र्यवहार अक्षम्य भएको भन्दै दोषी सशस्त्र प्रहरीमाथी कारवाही गर्न विज्ञप्तीमार्फत माग गरिएको छ ।
