बीरगंज १७ फागुन ।
आगामी आईतवार देखि नेपालमै प्रथम पटक हुन गई रहेको अश्वमेध गायत्री महायज्ञको तयारी अन्तिम चरणमा पुगेको छ । वीरगन्जमा हुन गईरहेको अश्वमेध गायत्री महायज्ञमा सहभागि हुन आउने देश विदेशका पाहुनाहरुलाई महायज्ञ स्थल नजिकै निर्माण हुन लागेको मुख्य प्रदर्शनी आकर्षणको रुपमा हुने भएको छ । नवयुग निर्माणको लागि चाहिने आधारलाई खडा गरी प्रदर्शनीको निर्माण भईरहेको छ ।
प्रदर्शनीमा गायत्री परिवारका मुख्य गुरु पंडीत श्रीराम शर्मा आचार्यको जीवनी बारे चित्रण गरिएको छ । समाजलाई परिवर्तन गर्नको लागि गायत्री परिवारले शिक्षा, स्वास्थ्य, नशामुक्ती अभियान, समाजिक कुरिती उन्मुलन, नारी जागरण र स्वलम्बन अभियान गरी सात आन्दोलनको थालनी गरेको प्रदर्शनी व्यवस्थापकका संयोजक राम कुमारले बताउनुभयोे । अन्तिम तयारीमा रहेको प्रदर्शनीमा करिब ५ लाख भन्दा बढीले अवलोकन गर्ने अनुमान गरिएको छ । त्यसैगरि महायज्ञ स्थल नजिकै स्वास्थ्य केन्द्र पनि संचालनमा आएको छ । महायज्ञमा सहभागि हुन आउँनेलाई र सम्भावित दुर्घटनालाई मध्यनजर गर्दै महायज्ञ स्थल नजिकै स्वास्थ्य उपचार केन्द्र संचालनमा ल्याएको हो । यही फागुन १९ गतेदेखि हुने महायज्ञ २२ गतेसम्म संचालन हुने छ ।
