बीरगंज, फाल्गुन १८
भोलि देखि नेपालमै प्रथम पटक हुन गई रहेको अश्वमेध गायत्री महायज्ञको तयारी पुरा भएको छ । वीरगन्जमा हुन गईरहेको अश्वमेध गायत्री महायज्ञमा सहभागि हुन आउने देश विदेशका पाहुनाहरुलाई महायज्ञ स्थल नजिकै निर्माण हुन लागेको मुख्य प्रदर्शनी आकर्षणको रुपमा हुने भएको छ ।
नवयुग निर्माणको लागि चाहिने आधारलाई खडा गरी प्रदर्शनीको निर्माण भईरहेको छ । बाहिरी रुपमा बत्तिहरु लगाएर दुलही झै सिँगारिए पनि सरसफाइमा बिशेष ध्यान केन्द्रित हुन नसकेको सचेत नागरिकरुको टिप्पणी छ । धुलो, धुवा तथा फोहोर ब्याबस्थापन ब्यबस्थित नभएको स्थानिय बासिले बताएका छन् । प्रदर्शनीमा गायत्री परिवारका मुख्य गुरु पंडीत श्रीराम शर्मा आचार्यको जीवनी बारे चित्रण गरिएको छ । प्रदर्शनीमा करिब ५ लाख भन्दा बढीले अवलोकन गर्ने अनुमान गरिएको छ ।
त्यसैगरि महायज्ञ स्थल नजिकै स्वास्थ्य केन्द्र पनि संचालनमा आएको छ । महायज्ञमा सहभागि हुन आउँनेलाई र सम्भावित दुर्घटनालाई मध्यनजर गर्दै महायज्ञ स्थल नजिकै स्वास्थ्य उपचार केन्द्र संचालनमा ल्याइएको हो । भोलि विहान ११ देखि १ बजे वीरगन्जको आदर्शनगर रगंशालमा राष्टपतिद्धारा कलश पुजन गरी महायज्ञको समुदघाटन गरिने कार्यक्रम रहेको छ ।
बिभिन्न संघ संस्थाका पदाधिकारी, स्वयमसेवकहरु, सामाजिक अभियान्ताहरु यज्ञस्थलमा परिचालित रहेका छन् । यज्ञबाट बीरगंज र प्रदेश न. २ कै गरिमा अभिबृद्धि हुने यज्ञ आयोजना समितिका संयोजक एजम बीरगंज महानगरपालिकाका नगरप्रमुख बिजय सरावगिले बताउनुभयो ।
यज्ञ अवधिभर बिद्वानहरुको प्रबचन र बिबिध सांस्कृतिक प्रस्तुति पनि रहने उहाले बताउनुभयो । महायज्ञ सुरक्षा समितिले सुरक्षा सम्वेदनशिलतालाई ध्यानमा राखी महायज्ञस्थलमा चक्कु, ब्लेड, लाइटर, सलाईजस्ता बस्तु प्रतिबन्धित गरेको छ । साथै यज्ञलाइ मध्यनजर गरी र बिशिष्ट ब्यक्तीहरुको आगमन हुने भएकोले सुरक्षाको ब्यबस्था सुदृढ तुल्याइएको पर्साका प्रहरी उपरिक्षक रेवति ढकालले जानकारी दिनुभयो ।
यसैबिच ट्राफिक ब्यबस्थापनका लागि ४ सय अटो रिक्साहरुलाइ स्टिकर बितरण गरिएको र स्टिकर नलगाएका रिक्साहरुलाइ चल्न नदिएको पर्साका ट्राफिक प्रमुख राजकुमार सिँहले जानकारी दिनुभयो । साथै यज्ञ अवधिभर माछा मासु, मदिरा बिक्रि बितरण नगर्न आयोजकले ब्यबसायिहरुलाइ आग्रह समेत गरेको छ ।
यज्ञको समापनको अवसरमा पनि प्रधानमन्त्रि केपि शर्मा ओलि आउने कार्यक्रम तय भएको छ ।
