९ वैशाख, काठमाडौं । आफ्नो कार्यकालको एक वर्ष पूरा भएको अवसरमा सोमबार प्रहरी प्रधान कार्यालय, नक्सालमा आयोजित ‘प्रेस मिट’ कार्यक्रममा प्रहरी महारिनीक्षक सर्वेन्द्र खनाल पत्रकारविरुद्ध खनिएका छन् ।
कार्यक्रमको सुरुवाती चरणमा आफ्नो छोटो मन्तव्य राख्दै प्रश्नोत्तरका लागि समय दिएका खनालले सञ्चारकर्मीहरुले गुनासोयुक्त प्रश्न सोध्न थालेलगत्तै आक्रमण रुपमा प्रस्तुत भएका थिए ।सहभागी एक पत्रकारले सर्वसाधारणको अपेक्षा अनुरुप आईजीपी खनालले काम गर्न नसकेको बताएपछि उनले जवाफमा भने, ‘मप्रति अपेक्षा राख्नु राम्रो हो । मेरो समय सकिएको छैन । बाँकी छ ।’
उनले आफू पहिले आन्तरिक शुद्धीकरणमा जुटेको बताए । त्यसपछि पत्रकारसँग उनको सम्बन्धबारे सोधिएको प्रश्नमा उनले ‘केही पत्रकारले यो चाहियो, ऊ चाहियो’ भनेर भनेको दाबी गरे ।
आफूलाई त्यसरी माग गर्दै एसएमएस आएको उनको दाबी थियो । तर, उनले को पत्रकार थिए भन्ने बताउन चाहेनन् ।
कार्यक्रमको अन्तिममा एक पत्रकारले त्यसरी ‘ब्ल्याकमेलिङ’ गर्न खोज्ने पत्रकारको नाम सार्वजनिक गर्न पनि आग्रह गरे । तर, खनालले भने त्यो व्यक्ति सभाहलमा उपस्थित नभएको बताए ।
onlinekhabar
