वीरगञ्ज १० भदौं । कोरोनाभाइरसको सङ्क्रमणबाट मुक्त भएर वीरगञ्जको विभिन्न कोभिड अस्पताल र होम आइसोलेसनबाट ६६ जना डिस्चार्ज भएका छन् ।
वीरगञ्जमा सञ्चालित दुई कोभिड अस्पताल अस्थायी कोभिड अस्पताल गण्डक हस्पिटल, वीरगञ्ज हेल्थ केयर, नारायणी वयोधा अस्पताल र होम आइसोलेशनसमेतबाट सङ्क्रमणलाई जितेर ६६ जना घर फर्केको जिल्ला प्रशासन कार्यालय पर्साले जनाएको छ ।
चिकित्सक, स्वास्थ्यकर्मी र अस्पतालका कर्मचारीसहित हिजो र आज गरेर विभिन्न उमेर समुहका चिकिकित्सक ६६ जना सङ्क्रमणमुक्त भएको प्रशासनले जानकारी दिएको हो ।योसँगै पर्सामा कोरोनालाई परास्त गरेर घर फर्किनेको संख्या ४ सय ४४ पुगेको छ ।
