वीरगञ्ज ११ भदौं । पर्सामा २१, बाराका ६ र रौतहटका ३ जनागरी थप ३३ जनामा कोरोना सङ्क्रमण पुष्टि भएको छ । वीरगञ्जस्थित नारायणी अस्पताल पिसिआर प्रयोशालामा गरिएको पछिल्लो परिक्षणको नतिजा आउँदा थप ३३ जनामा कोरोना पोजेटिभ देखिएको हो ।
प्रयोशालामा बुधबार राति ५ सय १० जनाको स्वाबको नमूनालाई पिसिआर प्रविधिबाट परिक्षण गर्दा शैनिक, शसस्त्र प्रहरी र स्वास्थ्यकर्मीसहित थप ३३ जनामा कोरोना संक्रमण पुष्टि भएको नारायणी अस्पतालका प्रवक्ता डा. अतुलेशकुमार चौरसियाले जनाएका छन् । थपिएका सङ्क्रमितमा ४ जना महिलापनि रहेको उनले बताए ।
सङ्क्रमित भएकामध्ये जिल्ला जनस्वास्थ्य कार्यालय पर्साका स्वास्थ्य निरीक्षक जयमोद ठाकुर, उनको श्रीमती र छोरापनि रहेका छन् । उनीहरु अस्पतालले उपलब्ध गराएको क्वाटरमा बस्दै आएका थिए । त्यसैगरी रौतहटको गौर कारागारमा ३ रहेका ३ जना, सशस्त्र प्रहरी गुल्म नम्बर १५ मा २ जना र जीतपुर आर्मी ब्यारेकमा एक जनामापनि सङ्क्रमण पुष्टि भएको प्रवक्ता डा. चौरसियाले जानकारी दिए ।
पर्साको सखुवाप्रसौनी गाउँपालिकामा ७ जना र कालिकामाई गाउँपालिका वडा नम्बर ५ विरन्चीवार्वामा पाँच जनामा कोरोना सङ्क्रमण पुष्टि भएको छ । बाराको महानगढीमाई नगरपालिकामा ४ जना र कबहीमा एक जना सङ्क्रमित थपिएका छन् ।
यसैगरि वीरगञ्जमा थपिएकाहरु गण्डक चौक, राधेमाई, घडीअर्वा, इनर्वा, रानीघाटका बासिन्दा हुन् । पर्सामा सङ्क्रमितको संख्या २ हजार नाघेको छ । आज थपिएकाहरुलाई मिलाएर जिल्लामा कुल सङ्क्रमितको संख्या २ हजार १ सय २२ पुगेको छ । जसमध्ये ४ सय ४४ जना कोरोनामुक्त भएका छन् भने ३३ जनाले सङ्क्रमणबाट ज्यान गुमाएको तथ्यांकले देखाएको छ ।
