बीरगंज कार्तिक २० - १४ वर्षिय वालकको अपरहण गर्ने पर्साको पोखरिया नगरपालिका वडा नं ६ सोनवारी बस्ने २० वर्षको राजकुमार दासलाई प्रहरीले सार्वजनीक गरेको छ ।
आज बिहान अपहरित वालकको बुवासंग फिरौती रकम लिएर भाग्न खोज्दा प्रहरीले गोली प्रहार गरि उनलाई पक्राउ गरेको थियो । हाल उनको बीरगंजको नारायाणी अस्पतालमा उपचार भइरहेको छ ।
बीरगंज उपमहानगरपालिका वडा नं २५ र्सिसिया स्थायी घर भएका काभ्रेको बनेपामा बस्दै आएका अमजद खानको छोरालाई दासले अपहरण गरेका थिए ।
खानका १४ वर्षिय छोरा बनेपाबाट बीरगंज स्थित घर आउने क्रममा कार्तिक १० गते अपहरणमा परेका थिए । अपहरणकारीले ति बालकले प्रयोग गर्ने मोवाइल प्रयोग गरेर वालक अपहरण भएको सूचना दिदै फिरौतीकालागि १२ लाख रुपैया माग गरेका थिए । फिरौती रकम नदिए वालकको हत्या गर्ने सम्मको धम्की दिएका थिए ।
आज बिहान सवा १ बजे बीरगंज महानगर पालिकाको वडा नं २५ र्सिसियाको खलवाटोलमा फिरौती रकम लिन अपहरणकारी आएका थिए । अपहरणकारीले पेस्तोल देखाई पैसाको झोला लिएर भाग्न खोज्दा प्रहरीले गोली उनलाई नियान्त्रणमा लिनु परेको पर्साका प्रहरी उपरिक्षक सोमेन्द्र सिंह राठौरले जानकारी दिनु भयो ।
अपहरणकारीको दाहिने खुट्टाको घुँडामुनिको भागमा लाग्न गई घाईते भएको र अपहरित बालक अज्ञात स्थलबाट शकुसल उद्दार गर्न प्रहरी सफल भएको उहाँले बताउनु भयो ।
प्रहरीले अपहरणकारीको साथबाट भारतीय नम्बर प्लेटको प्लाटीना मोटरसाइकल,कटुवा पेस्तोल एक थान त्यसमा लाग्ने ४ वटा गोली र मोवाइल एक थान बरमाद गरेको छ ।
