प्रेम कुमार राय
जितपुर सिमरा बैशाख ६ -गए राती आएको हावाहुरीसगै असिना पानीका कारण बारा पर्सामा करोडौँको क्षति पुर्याएको छ । हावाहुरी र असिना पानीले अन्नबाली, फलफुल खेती, नष्ट हुनुको साथै ग्रामिण क्षेत्रमा रहेका दर्जनौँ घरहरुको छानो उडाउनुको साथै भत्काएर ठूलो क्षति पुर्याएको छ ।
हावाहुरी, असिना पानीको कारण जितपुर सिमरा उप माहानगरपलिका छातापिपरा - ९ सगरदिना ८ मा २००० बिघा जति मकैर तरकारी खेतीमा ठूलो क्षती पुर्याएको छ स्थानीय बासिन्दाहरुको घरको छानो उडाइदिएको पिडितहरु अवध चौधरी , सिराम चौधरी, लालबाबु साह, जयराम यादव, रामसरे राय , बिरेन्द्र चौधरि ,रामप्रसाद चौधरी , मोतिलाल यादव ओ म प्रकाश साह, रामबाबु पासवान, कनहाई चौधरी लगायत ओ म प्रकश साह ले जानकारी दिएका छन् ।
